Tatlong Diyona

Dahil sa isang patimpalak sa Facebook--tulaan sa FB, nalaman kong (kahit papaano ay) kaya ko ding magpaka-makata. Narito ang tatlong diyona na nakatha ko sa "ningning ng karimlan". (Hindi ba Meralco?)

#1 Sipilyo



Wala kang pinag-iba,

'Sang bulaang propeta,

Pangako'y panay bula.

 

#2 Anino



Sino ang mas mapalad?

Ang tunay o ang huwad?

Ang lihim o ang lantad?

 

#3 Gabi



Gasera'y 'yong sindihan,

Iguhit mo ang buwan,

Sa ningning ng karimlan.