Kailan mo unang nalaman na may putok ka?
Kailan ka unang gumamit ng Rexona?
Parang amoy bulok na bayabas, di ba?
Pag naamoy ng iba, mahihilo sila.
Kanina, nabulabog ang mundo ko.
Pagpasok ko sa klase ng mga batang edad-sampu,
Nagsusumigaw sa baho ang amoy ng b.o.
Inilabas ko agad ang panyo, sabay labas ng kuwarto.
Bumuwelo ako, bago simulan ang pagpapayo.
Bigla ko tuloy naalala ang mga kaklase ko no'ng elementarya na parang may dala-dalang bomba sa magkabilang kili-kili. At puro babae sila. Ang gaganda pa naman no'ng iba. Sayang lang talaga.
Pero sa klase ko kanina, lalaki ang pinagmumulan ng maantot na amoy. Sana lang talaga bukas ay di na siya mangamoy. Pero, sakali man, handa ko siyang bigyan ng deodorant na nasa sachet.
No comments:
Post a Comment