Ang Sarap Maging Guro

Hunyo na (at hindi nalipat ng Setyembre), pasukan na naman. Dati-rati, kwaderno, mga panulat ang inihahanda ko.



Nami-miss ko ang pagtatahi ng mga de-spring na notbuk gamit ang karayom na pang-cross-stitch; ang pagdidisenyo ng unang pahina ng notbuk--pangalan ng asignatura, pangalan ko at guro ko; pagko-cover ng mga notbuk na kailan ko lang naperfect; pagtatasa ng lapis bago ihiga sa pencil case at pangungulit sa nanay ko na bilihan ako ng bagong bag at uniform.



Pero, ngayon, kahit ako na 'yong titser na mag-i-inspect kung kumpleto ang gamit ng mga bata, lalong sumidhi ang kasabikan ko na pumasok sa paaralan. Tulad ng unang taon ko bilang guro, na-e-excite pa rin ako na bumalik sa paaralan at makita ang mukha ng mga dati at bagong estudyante.



At bilang isang guro, pinaghahandaan ko rin ang bagong taong-pampaaralan gaya ng



- pag-e-evaluate ng mga strengths at weaknesses ko

- paghanap ng solusyon upang ma-improve ang mga dapat i-improve

- syempre ang paborito kong classroom structuring, kung saan ay nagbigay ako ng maikling presentasyon noong training namin. Ididikit na lang ang mga displays na ginawa ko.

- paglilista ng mga istratehiya na pwede kong magamit sa iba't ibang asignatura na ituturo ko

- paghahanap ng mga websites sa internet na pwedeng makatulong sa aking propesyon

- pagbili at pagbabasa ng mga librong pang-titser





Ang sarap maging guro. Ang dami kong natututunan.

Teachers

Some teachers are made to do big things. Some are created to do greater things.

-J.R. Capuyan, May 2010

Noisy, Standing at Behaved

Noong estudyante ka pa, hindi maunawaan kung bakit sa kaunting kibot lang ng mga kaklase mo, parang isang umaatungal na toro na ang titser ninyo. Sa araw-araw na pagpasok mo, walang palya si mam o sir sa kakasabi ng--



a. Tumahimik!

b. Quiet class.

c. Sige pag nag-ingay pa kayo, minus five kayong lahat!

d. Puwede bang bigyan ninyo ko ng kapayapaan?

e. Pun***a.  Sige daldal pa!



     Nakabisado mo na nga ang mga litanya niya. Alam mo ba rin kung kailan siya high-blood o kung kailan naman siya may buwanang daloy. At alam mo rin kung kailan magbabagsakan ang mala-frisbee sa angas na mga plastik na plato at kung ano-ano pang unidentified flying objects mula sa likod ng klase ninyo. Kasalanan ninyo na nakihati kayo sa faculty room.



     Hindi ka naman talaga galit sa kanila, naiirita ka lang sa tuwing magagalit sila at magbubunganga na para kayong mga ipis at daga na nahuling nagnanakaw ng pagkain mula sa imbakan. Naiinis ka noong ipamukha nila sa iyo na isang krimeng maituturing ang pag-iingay.



   Nasa ikalawang baitang ka nang koronahan ang dalawa mong kamag-aral bilang Hari at Reyna ng Kaingayan. Kumpleto sa trono ang mga maharlika mong kamag-aral. Unang taon mo naman sa elementarya nang matikman mo ang manipis na ruler ni maam. Ingay ng iilan, damay ang sambahayan. Hayan tuloy, pinapila ang lahat para tumanggap ng isang lapat ng plastik na panukat. Nangati tuloy ang palad mo, na para bang ibig pang mahagupit.



     Kaya mula nang nasa ikatlong baitang ka, iniwasan mo na ang dumaldal habang may mga guro. Kinailangan mong galingan ang pagtiktik sa paparating na yapak ng mga gurong may dambuhalang tainga, na kahit mahinang kaluskos yata ay naririnig. Natuto kang mag-ipon ng mga kuwento, na kahit gustong-gusto mo nang ipamalita ay hinihintay mo talaga ang uwian  o lunch break kung saan nagsasama-sama ang mga guro mo sa ibang silid.



     Dati kang gano'n. Palihim na prinsipe, kung hindi man hari, ng kadaldalan. Heto ka ngayon, isang guro na din. Kaunting bulungan, sinasalubong mo ng saway. Kaunting hiyawan, pinapantayan mo ng bulyaw. Sandaling hagikgikan, matalim na titig ang katumbas.



     Katahimikan.

     Kapayapaan.

  

     Kalaban ng ingay.



     Katumbas ng init ng ulo, pagkayamot, at simangot. Dagdag kalbaryo sa walang katapusang paggawa ng banghay-aralin, visual aids, pagtse-tsek ng attendance, pagwawasto ng mga pagsusulit, pagmamarka ng mga proyekto, pag-re-research tungkol sa susunod na aralin. Pagharap sa mga reklamo ng mga magulang. Pagdalo sa mga faculty meeting at biglaang pagpupulong sa kung saan-saan.



     Wala ka nang text life. Hindi mo na iniisip ang love life. Isang ideyang abstrak na ang gimik para sa iyo. Masuwerte ka kung mapanood mo ang mga drama sa gabi. Minsan nga, nakakalimutan mo nang magsepilyo bago matulog o magbihis sa damit-pantulog mo. Kadalasan, ayaw kang patulugin ng mga alalahaning pampaaralan. Pero, kinaumagahan, gigising ka pa rin nang maaga.



     Unti-unti mong nauunawaan kung bakit may UFO mula sa likuran ng klase ninyo.Napapa " Ahhh...kaya pala" ka sa tuwing maalala mo ang mga multiple-choice na litanya nina mam at sir para lang mapatahimik kayo.



     Pero bilang isang bago at maka-bagong guro, niluwangan mo na ang sinturon ng kaingayan sa klase. Naging bata ka rin, e. Alam mo kung gaano kahirap pigilan ng ingay. Para namimintog na pantog ang isip at bibig mo; sabik maibahagi ang mga nangyari noong Sabado at Linggo, o kaya naman ang napanood mo sa siyamnapung channel ng telebisyon ninyo.



     Pero kahit na guro ka na, madaldal ka pa rin. Mas madaldal ka pa nga yata sa mga estudyante mo. Kaya tuwing recess o lunch break, nakikipagdaldalan ka sa kanila. Mas lalo kayong nagkakakilanlan, mas lalo kayong napapalapit sa isa't isa.



     Ang maganda doon, walang nagsasalita ng noisy o standing.

students who are so slow in copying notes

to encourage my students to be fast in copying notes on the board, i (traditionally and ideally) check their notebooks and sign there.

beside my signature (and happy face), i write their rank-top 10 finishers or the first 10 students who finished copying the notes :)

#1 finisher T. jerson

i told them that it's an additional point to their handwriting subject grade if they land in the top 10.

note: top 10 finishers could be disqualified if the handwriting is not that legible.

i hope this one works.

what to do with your rowdy pupils: the churchy way

May mga estudyante talaga na laging nagpapasakit ng ulo ng mga guro nila.

Ayaw magsulat.
Tayo nang tayo sa upuan.
Laging mukhang taong-grasa pag uwian.
Laro nang laro.
Tagalog nang Tagalog (kahit may English ONly policy ang school).
Ayaw magbaon ng tanghalian.
Ayaw tumanggap ng tulong.
Nambabato ng libro at binabali ang lapis pag binura ang lecture sa pisara.

So, ano ang dapat gawin sa kanila?

Mag-pray.

(Eksena tuwing recess, lunch break o dismissal.)
Ok, everybody stand. Starting today, we will pray for your other classmates. I think we need to pray for ___________. Do I have to state the reasons? Ok, aside from him, who are we going to pray for? Let's list their names on the board.

What will our prayer be about? Ah ok. That they become more behave next week. That they will respect their teacher and classmates. That they will take care of their things. (Teacher writes the prayer items on the board.)

Who wants to lead the prayer? Yes, ________.

Some of the students, whose names are written on the board, cover their ears.
(After the prayer)

OK, on Sunday, when you go to church, do not forget to pray for your classmates. Their names are on the board. You can copy their names. Who are going to pray for them? Raise your hand.

Ok, you may take your lunch/go now.


The End.

Lord, into Your hands I commend my students.